Fransanın Yepiskop kofransının prezidenti və Reyms şəhərinin arxiyepiskopu Erik de Mulen-Bofor kilsənin öz “institutusional məsuliyyətini” dərk etdiyini və “ziyanın kompensasiya edilməsi yolu ilə” getmək qərarına gəldiyini deyib.
- Bunun üçün daşınmaz əmlakın və digər aktivlərin satılması hesabına fond yaradılacaq. Öhdəliklərimizin yerinə yetirilməsi üçün lazım gələrsə biz habelə kreditlər də götürməyə hazırıq, - Erik de Mulen-Bofor bildirib.
Amma arxiyepiskop təzminatın miqdarının və kilsənin onun hansı qaydada ödəyəcəyinin detallarını açıqlamayıb. Bundan əlavə, hər yepiskopun və yeparxiyanın həddi-büluğa çatmamışlarla qəddar rəftarların necə araşdırmasına nəzarət edəcək xüsusi elçilərin göndərilməsi üçün yepiskoplar Roma Papasına müraciət ünvanlamaq qərarına gəliblər.
Xatırladaq ki, ötən ayın əvvəllərində Fransa katolik ruhaniliyinin üzvlərinin və kilsə ilə bağlı şəxslərin son 70 ildə 330 min uşağa qarşı zorakılıq əməlləri törətməsi barədə müstəqil komissiyanın apardığı araşdırmaların nəticələri açıqlanıb. Bu çirkin əməllərdə 115 min kilsə xadiminin birbaşa iştirakı təsdiqlənib.
“Bu qədər çox insanın belə çoxlu sayda əzab çəkdiyini və çəkməkdə davam etdiyini anlayanda biz daxilən ikrah və dəhşət yaşadıq”, - Erik de Mulen-Bofor vurğulayıb.
Sahil İagəndərov
AzVision.az
Keşişlərin zorladıqlarına kilsə pul ödəyəcək
09 Noyabr 2021
Oxunub:1261
Fransanın katolik kilsəsi seksual zorakılıqların qurbanlarına maliyyə təzminatı ödəməyə hazırdır. Bu barədə xəbər verən “Reuters” agentliyi bunun üçün kilsənin öz daşınmaz əmlakının bir hissəsini satışa çıxarmağı və hətta kreditlər götürməyi planlaşdırdığını da yazıb.
Teqlər:
Vaxtında, Aydın, Lazımlı!
