AzVision.az xəbər verir ki, bu barədə Fiala dövlət başçısı ilə Praqadakı Mərkəzi Hərbi hospitalda baş tutan görüşdən sonra jurnalistlərə deyib.
"Cənab prezident cümə günü, noyabrın 26-da məni Çexiyanın baş naziri təyin edəcək. Mərasim dövlət başçısının iqamətgahında - Praqa yaxınlığındakı Lana sarayında keçiriləcək", - o bildirib.
Növbəti 10 gün ərzində isə Zeman nazir postlarına namizədlərlə görüşlər keçirmək niyyətindədir, onların siyahısı artıq təqdim edilib. Fialanın sözlərinə görə, dövlət başçısı noyabrın 26-dək xəstəxanadan evə buraxılacaq.
Qeyd edək ki, Çexiyada 8-9 oktyabr 2021-ci ildə keçirilən parlament seçkilərinin qalibi üç liberal qüvvəni - Vətəndaş Demokratik Partiyası (CDP), Xristian Demokrat Hərəkatı və “TOP 09” hərəkatını birləşdirən “Birgə” koalisiyası olub.
AzVision.az
Müxalifət lideri gələn həftə Çexiyanın baş naziri təyin ediləcək
17 Noyabr 2021
Oxunub:1151
Çexiya prezidenti Miloş Zeman noyabrın 26-da sağ-liberal Vətəndaş Demokratik Partiyasının sədri Petr Fialanı respublikanın baş naziri təyin edəcək.
Teqlər: Çexiya
Vaxtında, Aydın, Lazımlı!
