Braziliyalı senator parlamentdə azad edilən ərazilərdən danışıb
O, qeyd edib ki, Ermənistanla uzun sürən münaqişədən sonra Qarabağ yenidən Azərbaycana qayıdıb.
“Beləliklə, mən bu istinadı etmək istəyirəm, çünki Braziliya bu sahələrdə əməkdaşlığa dəstək vermək niyyətindədir və sülh prosesinin möhkəmlənməsi üçün imkanlar da var. Əslində, Braziliyanın həmin regionda daha artıq geosiyasi mövqeyə malik olması, şirkətlərimizə və universitetlərimizə əməkdaşlıq üçün yeni imkanlar açır. Paytaxt Bakıda hakimiyyət orqanları ilə, o cümlədən Azərbaycan Respublikasının xarici işlər naziri ilə söhbət zamanı həmin ərazilərin bərpası və yenidən qurulması, müxtəlif əməkdaşlıqlar üçün imkanların açılması, xüsusən də bu sahədə əməkdaşlıq niyyəti çox aydın idi”, - senator həmkarlarına müraciətlə deyib.
Antonio Anastasiyanın sözlərinə görə, Braziliya 1990-cı illərdə Birləşmiş Millətlər Təşkilatı tərəfindən dəstəklənən, Azərbaycan və Ermənistan arasında münaqişənin sülh yolu ilə həlli cəhdlərində iştirak edib.
Senator onu da bildirib ki, Azərbaycana səfər həmin ölkə hökumətinin dəvəti əsasında baş verib və səfər zamanı azad olunmuş ərazilərdə (Ağdam) və Gəncədə olub.
Onun çıxışı həm Senatın radiosunda, həm də televiziyasında yayımlanıb.
AzVision.az
Teqlər: Braziliya Azərbaycan