Pentaqonun rəhbəri İranı Yaxın Şərq üçün əsas təhlükə adlandırıb
“Qarşılaşdığımız ən mühüm problemlərdən dördünün adını çəkmək istərdim. Bu, pandemiya, iqlim dəyişikliyi, terrorizm və İrandır”, - Pentaqonun rəhbəri bildirib.
Austin vurğulayıb ki, ABŞ İranla nüvə sazişi ətrafında yaranmış problemi diplomatiya yolu ilə həll etməyə çalışır. Bununla belə, Birləşmiş Ştatlar öz təhlükəsizliyini təmin etmək üçün istənilən vasitədən istifadəyə hazırdır.
"İran rəhbərliyinin sabitliyi pozan hərəkətləri, o cümlədən terrorizmə, özünün təhlükəli ortaqlarına və nüvə proqramına dəstəyindən narahat olduğumu bildirmək istərdim. ABŞ İranın nüvə silahına malik olmasının qarşısını almağa sadiqdir. Biz bu problemin diplomatik yolla həllini istəyirik, lakin İran ciddi yanaşma ortaya qoymasa, ABŞ-ın təhlükəsizliyini qorumaq üçün bütün mümkün vasitələrdən istifadə edəcəyik”, - Pentaqonun rəhbəri söyləyib.
Pərvanə Sultanova
AzVision.az