AzVision.az xəbər verir ki, bu barədə Bəhreynin paytaxtında keçirilən “Manama dialoqu” konfransında çıxış edən Pentaqonun rəhbəri Lloyd Austin deyib.
"Əfqanıstanın gələcək hər hansı hökuməti ilə münasibətlərimizin necə inkişaf edəcəyini proqnozlaşdırmaq hələlik çətindir. Əlaqələrimiz qeyri-müəyyən olaraq qalır. Hazırda biz səylərimizi bu ölkəni tərk etmək istəyən vətəndaşlarımızın təxliyəsi üzərində cəmləşdiririk", - Austin söyləyib.
Eyni zamanda, Pentaqon rəhbəri vurğulayıb ki, Amerika hakimiyyəti Əfqanıstandakı qız və qadınların gələcəyi ilə bağlı hələ də ciddi narahatdır, lakin onlar qeyri-hökumət təşkilatları vasitəsilə əfqan xalqına yardım göstərməyə davam edəcəklər.
Qeyd edək ki, "Taliban" bu il avqustun 15-də Kabilə daxil olmaqla, Əfqanıstan üzərində nəzarəti ələ aldı. Sentyabrın 7-də isə legitimliyi hələ heç bir ölkə tərəfindən tanınmayan müvəqqəti hökumətin tərkibini açıqladı.
Pərvanə Sultanova
AzVision.az
"ABŞ Əfqanıstanda yeni hökumətlə danışmağa hələ hazır deyil"
20 Noyabr 2021
Oxunub:798
"Vaşinqton Əfqanıstanda “Taliban” hərəkatının formalaşdırdığı yeni hökumətlə münasibətlərini necə qurulacağı barədə hələlik danışmağa hazır deyil".
Teqlər: ABŞ Əfqanıstan
Vaxtında, Aydın, Lazımlı!
