Qubada evdən oğurluq edənlər saxlanılıb

Qubada evdən oğurluq edənlər saxlanılıb
  09 Dekabr 2021    Oxunub:555
Quba rayonunda evdən oğurluq edilib.
Bu barədə AzVision.az - a Daxili İşlər Nazirliyinin Mətbuat Xidmətinin Quba regional qrupundan məlumat verilib.

Belə ki, Quba Rayon Polis Şöbəsinə (RPŞ) müraciət edən bir nəfər Bakı şəhər sakini, ona məxsus Quba raynunun Digah kəndindəki yaşayış olmayan evdən qapını sındırma yolu ilə oğurluq edildiyini bildirib.

Daxil olan müraciətlə əlaqədar polis əməkdaşları tərəfindən keçirilən əməliyyat-axtarış tədbirləri nəticəsində oğurluğu törətməkdə şübhəli bilinən rayon sakinləri Ravin Eldarov və Vilayət Ziyadxanov saxlanılıblar.

Keçirilən əməliyyat-axtarış tədbirləri zamanı həmin şəxslərin rayonun Digah kəndindəki yaşayış olmayan evdən 1 ədəd televizor, 1 ədəd noutbuk, 1 ədəd DVD pleyer, 1 ədəd rəqəmsal peyk antena nizamlayıcısı və digər elektrik məişət avadanlıqları oğurladıqları müəyyən edilib.

Faktla bağlı Quba RPŞ-nin Təhqiqat bölməsində araşdırma aparılır.

AzVision.az


Teqlər: Quba   Oğru  





Xəbər lenti