"Müstəqilliyin ilk illərində informasiya savaşı ilə

"Müstəqilliyin ilk illərində informasiya savaşı ilə üzləşdik" - Hikmət Hacıyev

14:14 11 Dekabr 2021 Oxunub:1252

“Azərbaycan müstəqilliyinin ilk illərindən informasiya savaşı, hibrid savaşlar, psixoloji savaşlarla üzləşdi".

AzVision.az xəbər verir ki, bunu Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev İstanbulda keçirilən Beynəlxalq Strateji Kommunikasiya - "Stratcom 21" Sammitinin açılış mərasimində çıxışı zamanı bildirib.

Onun sözlərinə görə, xüsusilə Qarabağ müharibəsində Ermənistanın Azərbaycana qarşı həyata keçirdiyi işğalçılıq siyasəti məhz bu əsaslarla, psixoloji savaşla hibrid savaşlar müşahidə olundu: "Dünyanın hələ dezinformasiyanı tam qavramadığı dövrdə Azərbaycan bunlarla üz-üzə qaldı. Lakin o zaman 1990-cı illərin əvvəllərində biz bu savaşa hazır deyildik. Ona görə də Ermənistanın Azərbaycan torpaqlarını işğal etməsinə və bu işğalın terrorla, aqressiv separatizmlə müşayiət olunmasına baxmayaraq, dünya Azərbaycanı qınayırdı".

PA rəsmisi deyib ki, Ermənistanın silahlı qüvvələri tərəfindən azərbaycanlılar öldürülürdü, lakin guya azərbaycanlıların erməniləri öldürməsi irəli sürülürdü. Qondarma "erməni soyqırımı” adı altında dünyada bu təbliğat aparılırdı.
Bütün bunların fonunda Azərbaycan öz haqlı savaşını apararaq dünyaya həqiqəti çatdırmağa çalışırdı: "Biz 90-cı illərin əvvəlində anladıq ki, haqlı olmaq yetərli deyil. Haqlı olduğumuzu dünyaya çatdırmaq üçün daha aktiv olmağımıza, daha da ağıllı siyasət həyata keçirə biləcək strateji kommunikasiya formatında bunu təqdim etməyimizə böyük ehtiyac var idi. Elə o zaman qərara gəldik ki, Ermənistan və erməni lobbisinin dünya üzrə ölkəmizə qarşı apardığı bu siyasətə qarşı yalnız strateji qaydada, hərbi, diplomatik və informasiya siyasətimizi bir araya gətirərək koordinasiya olunmuş şəkildə bir siyasət həyata keçirək və yalnız bu halda bunun qarşısını ala bilərdik. Bütün bunlar dünyanın susduğu, baş verənləri duymaq istəmədiyi fonunda baş verirdi”.

Pərvanə Sultanova
AzVision.az

Teqlər: