AzVision.az xəbər verir ki, Vətən uğrunda canlarından keçmiş hər şəhidimizin xatirəsinə bir ağac tingi əkilib. Aksiya gələcək günlərdə də davam edəcək.

Ağacəkmə aksiyasında Abşeron Rayon İcra Hakimiyyətinin, Azərbaycan Respublikası Ekologiya və Təbii Sərvətlər Nazirliyinin əməkdaşları, Milli Məclisin deputatları, fəal gənclər, şəhid ailələri və qazilər iştirak ediblər.

Çıxış edənlər ulu öndər Heydər Əliyevi ölkəmizə rəhbərlik etdiyi dövrdə Azərbaycançılıq məfkurəsinin möhkəmlənməsi istiqamətində gördüyü tarixi əhəmiyyətli fəaliyyətindən söz açıblar. Bildirilib ki, Ulu Öndərin Qarabağla bağlı arzusunun gerçəkləşməsində onun siyasi kursunun layiqli davamçısı Müzəffər Ali Baş Komandan, Prezident İlham Əliyevin rəhbərliyi altında rəşadətli Azərbaycan Ordusunun fədakarlığı, ümumxalq birliyinin nəticəsində torpaqlarımız erməni işğalçılardan azad edildi.

Vurğulanıb ki, şəhidlərimizin əziz xatirəsi hər zaman uca tutulur və dərin ehtiramla yad edilir.







AzVision.az