AMB-dən AzVision.az -a verilən məlumata görə, uçot dərəcəsi 7%-dən 7,25%-ə, faiz dəhlizinin aşağı həddi 6% , faiz dəhlizinin yuxarı həddi isə 8%-dən 8,25%-ə yüksəldilib. Bu, 2021-ci ildə maliyyə requlyatorunun uçot dərəcəsinin artırılması üzrə üçüncü qərarıdır.
Qeyd edək ki, oktyabr ayında AMB-nin sədri Elman Rüstəmov bildirmişdi ki, artan inflyasiyanı nəzərə alaraq, növbəti faiz qərarında uçot dərəcəsinin qaldırılması istisna deyil. "Fitch Ratings" reytinq agentliyi də uçot dərəcəsinin artırılmasını gözləyirdi.
Ölkədə yanvar-noyabrda ortaillik inflyasiya 6,2%, noyabrda illik inflyasiya isə 11,1%-ə qədər sürətlənib.
Xatırladaq ki, dünyada artan inflyasiya fonunda bir çox mərkəzi banklar faiz dərəcələrini artırlar. Bu yaxınlarda Rusiya Mərkəzi Bankı və İngiltərə Bankı faiz dərəcələrini yüksəltdilər.
AzVision.az
Mərkəzi Bank uçot dərəcəsini artırdı
17 Dekabr 2021
Oxunub:1094
Azərbaycan Mərkəzi Bankının (AMB) İdarə Heyəti uçot dərəcəsini yüksəldilməsi haqda qərar qəbul edib.
Teqlər: Mərkəzi-Bank
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
