Narkotik çəkib sərnişin daşıyan sürücü tutuldu

Narkotik çəkib sərnişin daşıyan sürücü tutuldu
  23 Dekabr 2021    Oxunub:376
Bərdə Rayon Polis Şöbəsinin Dövlət Yol Polisi Bölməsinin əməkdaşları tərəfindən keçirilən tədbirlər zamanı narkotik vasitənin təsiri altında ictimai nəqliyyat vasitəsi idarə edən sürücü saxlanılıb.
Daxili İşlər Nazirliyinin Mətbuat Xidmətinin Bərdə regional qrupundan AzVision.az -a verilən məlumata görə, Bərdə rayonu ərazisində şəhərdaxili sərnişindaşıma ilə məşğul olan “Mersedes” markalı mikroavtobusun sürücüsü qayda pozuntusuna yol verdiyi üçün polis əməkdaşları tərəfindən “Saxla” işarəsi verilib.

Həmin nəqliyyat vasitəsinin sürücüsü Elbir Məhərrəmovun narkotik vasitə qəbul etməsinə dair şübhələr olduğundan polis şöbəsinə gətirilib və tibbi müayinədən keçirilib. Müayinənin nəticəsinə əsasən onun narkotik vasitədən istifadə etdiyi məlum olub.

E.Məhərrəmov barəsində toplanmış materiallar rayon məhkəməsinə göndərilib və məhkəmənin qərarı ilə o, bir ay müddətinə inzibati qaydada həbs edilib.

AzVision.az

Teqlər: DİN  







Xəbər lenti