AzVision.az xəbər verir ki, bu barədə Rusiyanın xarici işlər nazirinin müavini Aleksandr Qruşko deyib.
O bildirib ki, qarşıdakı görüşdə özü, eləcə də Müdafiə Nazirliyinin nümayəndələri iştirak edəcək.
NATO-nun baş katibi Yens Stoltenberq çərşənbə axşamı Rusiya-NATO Şurasının iclasının yanvarın 12-də keçiriləcəyini təsdiqləyib. Stoltenberqin sözlərinə görə, ilk növbədə Ukrayna ilə bağlı olan Avropanın təhlükəsizliyi məsələsinin müzakirəsi planlaşdırılır.
Bundan əlavə, yanvarın 10-da Cenevrədə Rusiya ilə ABŞ arasında təhlükəsizlik zəmanətləri üzrə Moskvanın təklifləri üzrə danışıqların aparılması nəzərdə tutulub.
Qeyd edilən təkliflərin Rusiya-NATO Şurasında, yanvarın 13-də isə Vyanada ATƏT-in toplantısında müzakirə olunacağı gözlənilir.
Xatırladaq ki, 2021-ci ilin sonunda Rusiya təhlükəsizlik zəmanətləri ilə bağlı ABŞ və NATO ilə saziş layihələrini dərc edib. Moskva, xüsusilə Qərb tərəfdaşlarından NATO-nun şərqə doğru daha da genişlənməsindən, Ukraynanın bloka qoşulmasından və postsovet ölkələrində hərbi bazaların yaradılmasından imtina üçün hüquqi təminat istəyir.
Pərvanə Sultanova
AzVision.az
Rusiyanı NATO ilə danışıqlarda Qruşko təmsil edəcək
05 Yanvar 2022
Oxunub:780
Rusiya-NATO Şurasının iclasında Moskva Xarici İşlər Nazirliyi və Müdafiə Nazirliyinin nümayəndə heyəti ilə təmsil olunacaq.
Vaxtında, Aydın, Lazımlı!
