Ötən il 8834 şəxsə sosial-məişət xidmətləri göstərilib

Ötən il 8834 şəxsə sosial-məişət xidmətləri göstərilib
  20 Yanvar 2022    Oxunub:472
Ötən il əmək qabiliyyətli qohumları ilə eyni yaşayış məntəqəsində yaşamayan tənha yaşlı və əlilliyi olan 8834 şəxsə evlərində sosial-məişət xidmətləri göstərilib.
AzVision.az xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb.

Bildirilib ki, onlardan 7333-ü ahıl (yaşı 70 və yuxarı olan) şəxslər olub.

1501-ni isə yaşı 70-dən aşağı, əlilliyi olan və tənha yaşayan şəxslər, eləcə də yaşı 65-70 aralığında olan, qohumları ilə birgə yaşamayan, koronavirus pandemiyası ilə əlaqədar müəyyən bir dövrdə evdə sosial-məişət xidməti dəstəyi ilə təmin olunmuş şəxslər təşkil edib.

Sosial xidmətçilər tənha yaşlı və əlilliyi olan şəxslərin evlərinə gələrək onlara ev təsərrüfatında təmizlik işlərinin aparılması, əsas tələbat mallarının alınması və s. işlərdə köməklik göstəriblər.

AzVision.az

Teqlər: ƏƏSMN  







Xəbər lenti