Ukrayna "Bayraktar"ı havaya qaldırıb: PUA Rusiya sərhədində uçub - FOTOLAR

Ukrayna "Bayraktar"ı havaya qaldırıb: PUA Rusiya sərhədində uçub - FOTOLAR
  22 Yanvar 2022    Oxunub:869
Türkiyə istehsalı olan məşhur "Bayraktar TB2" zərbə pilotsuz uçuş aparatı (PUA) Rusiya sərhədləri yaxınlığında görüntülənib. AzVision.az xəbər verir ki, bu barədə Rusiya hərbi saytları məlumat yayıb.
Qeyd edilir ki, Ukraynaya məxsus olan PUA Rusiya sərhədinin 200 metr məsafəsinə qədər yaxınlaşıb.

Ukrayna ilk dəfə "Bayraktar"dan döyüş əməliyyatında istifadə edib- VİDEO
- Ukrayna Silahlı Qüvvələri “Bayraktar” PUA-nı səmaya qaldıraraq Rusiya ilə sərhəddə patrul xidməti həyata keçirib. "ADS-B Exchange" təyyarə izləmə xidməti pilotsuz uçuş aparatının Rusiyanın dövlət sərhədlərinə 200 metr yaxınlaşdığını qeydə alıb. Dəqiqləşdiilib ki, bu hal Belqorod vilayəti yaxınlığında baş verib. PUA isə Xarkovdakı aviabazadan havaya qaldırılıb.



Adının açıqlanmasını istəməyən hərbi mütəxəssis isə maraqlı bir fakta diqqət çəkib. Məsələ ondan ibarətdir ki, təyyarənin identifikasiya kodu saxtadır və onun əslində Fransa hərbi helikopteri olduğunu göstərib. Bəzi informasiyalar isə göstərilməyib. Lakin uçuş sürəti məlum olub- saatda 160 kilometr. Analitiklər əmindirlər ki, "Bayraktar" pilotsuz uçan aparatı belə bir uçuş sürətinə çata bilir ,- məqalədə yazılıb.

Qeyd edək ki, son aylar Rusiya ilə Qərb ölkələri arasında Ukrayna məsələsinə görə yaranmış gərginlik pik həddə çatıb. Ukrayna ilə sərhəddə yaxın ərazilərdə 100 mindən çox qoşun toplayan Moskva qonşusunu işğal etmək fikrində olmadığını bəyan etsə də, NATO ölkələri Avropanı müharibənin bir addımlığında olduğunu, Kremlin isə tezliklə Kiyevə müharibə elan edəcəyini deyir.



Tural Tağıyev
AzVision.az



Teqlər:   Bayraktar   Rusiya   Ukrayna   Sərhəd   PUA  





Xəbər lenti


Azvision.az ©2014 | Bütün hüquqları qorunur