Ana zooparkda körpəsini ayıya atsa da, yırtıcı ona toxunmayıb

   Ana zooparkda körpəsini ayıya atsa da, yırtıcı ona toxunmayıb
  28 Yanvar 2022    Oxunub:1710
Bu gün, yanvarın 28-də, təxminən saat 12:00-da Daşkənd zooparkında gənc bir qadın naməlum səbəbdən kiçik qızı camaatın gözü qarşısında ayı olan "volyerə" (zoparkda heyvan üçün ayrılan ərazi - red.) atıb. AzVision.az xəbər verir ki, bu barədə zooparkın mətbuat xidməti Teleqram kanalında məlumat yayıb.
Mətbuat xidməti bildirir ki, Zuzu adlı Qafqaz qonur ayısı qadının davranışlarını metal hasardan izləyib. Daha sonra o yavaş-yavaş qazılmış xüsusi əraziyə enərək, uşağa yaxınlaşıb, burnunu toxundurub onu qoxulayıb. Bundan sonra ayı həmin ərazidən uzaqlaşıb. Zooparkın işçiləri ayını şirnikləndirərək, mühafizə olunan əraziyə salıblar.

Hazırda hüquq-mühafizə orqanları insidentin səbəblərini araşdırırlar. Uşaq həkimlərin nəzarətinə verilib. Daşkənd Zooparkı qıza tibbi yardım göstərilməsilə bağlı bütün xərcləri öz üzərinə götürəcəyini vəd edib və onun tezliklə sağalmasını arzulayıb.

Tural Tağıyev
AzVision.az

Teqlər: Ayı   Daşkənd   Zoopark  







Xəbər lenti