Britaniya kəşfiyyatı Putinin "Azovstal" əmrinin sirrini açdı

Britaniya kəşfiyyatı Putinin "Azovstal" əmrinin sirrini açdı
  22 Aprel 2022    Oxunub:3118
Rusiya Prezidenti Vladimir Putinin gözlənilmədən Mariupoldakı “Azovstal” zavoduna hücumdan imtina etməsi Qərbin marağına səbəb olub. AzVision.az xəbər verir ki, Britaniya kəşfiyyatı bu hadisəni şərh edib.
İngilis kəşfiyyatçıları belə hesab edirlər ki, qərar hərbçilərin daha çox Ukraynanın şərqindəki başqa ərazilərdə yerləşdirmək istəyindən xəbər verir.

Britaniya kəşfiyyatı: "Mariupolda Çeçenistan və Suriya metodu tətbiq edilir"
Britaniya kəşfiyyatının yaydığı məlumatda qeyd edilir ki, Rusiyanın zavoda qurudan tammiqyaslı hücumu Moskvanın əhəmiyyətli itkilər verərək, ümumi döyüş effektivliyininin daha da azalması ilə nəticələnəcəkdi. Rusiya Popasna şəhərinə daxil olmaqla, irəliləməyə çalışdığı üçün Donbasın şərqində güclü döyüşlər davam edir.

"Ruslar hələ də müharibənin əvvəlində olduğu kimi itkilər verirlər. Onlar tükənmiş qüvvələrini bərpa etməyə çalışırlar və bunun üçün işlək olmayan avadanlıqları təmir məqsədilə ölkəyə qaytarırlar", - Britaniyalıların hesabatında deyilir.


Xatırladaq ki, dünən Rusiya Prezidenti Vladimir Putin müdafiə naziri Sergey Şoyqunu qəbul edib. Şoyqu Mariupolu tam şəkildə ələ keçirdiklərini, yalnız "Azovstal" zavodunda bir neçə min hərbçinin mühasirədə qaldığını məruzə edib. Putin isə "Azovstal"a hücumun dayandırılması barədə göstəriş verib. Bundan əvvəl isə zavodun ərazisi havadan bir neçə dəfə uğursuz hücumlara məruz qalmışdı.

Tural Tağıyev
AzVision.az



Teqlər:   Britaniya   Rusiya   Ukrayna   Kəşfiyyat  



Xəbər lenti


Azvision.az ©2014 | Bütün hüquqları qorunur