"TURKOVAC-ın klinik sınaqları geniş şəkildə istifadəyə töhfə verəcək" - Nazir
"Türkiyəli həmkarlarımızla rəqəmsal səhiyyə sahəsində dəfələrlə müzakirələrimiz, görüşlərimiz olub və dəstəyinizi hiss edirik. Səhiyyə qurumlarımız arasında rəsmi münasibətlərin qurulması müasir Azərbaycanın müstəqilliyinin ilk illərinə təsadüf edir. Hazırda Azərbaycan Tibb Universiteti Türkiyənin 20-ə yaxın universiteti ilə əməkdaşlıq edir. Əməkdaşlıq çərçivəsində azərbaycanlı tələbələr Türkiyənin təhsil müəssisələrində təcrübə keçir və tədris olunan onlayn dərslərdə iştirak edir.
Türkdilli Dövlətlərin Əməkdaşlıq Şurasının sədri İlham Əliyevin təşəbbüsü ilə koronavirus pandemiyası ilə mübarizə mövzusuna həsr olunmuş fövqəladə Zirvə görüşü zamanı Şura çərçivəsində Səhiyyədə Koordinasiya Komitəsi tərkibində Tibb Elmi Qrupu yaradılıb".
Nazir qeyd edib ki, bu gün Səhiyyə Nazirlikləri arasında imzalanacaq 2022-2023-cü illər üçün Əməkdaşlıq üzrə Yol Xəritəsi bütünlükdə ölkələrimizin səhiyyə sektorunun inkişafı yolunda mühüm rol oynayacaq.
AzVision.az
Teqlər: