- Emin Mahmudovun yerinə Abbas Hüseynovu meydana buraxdınız, yəni yarımmüdafiəçini müdafiəçi ilə əvəzlədiniz. 81-ci dəqiqədə isə komanda qol buraxdıq. Bu dəyişiklik nə ilə bağlı idi?

- Ehtiyac var idi ki, sürətli oyunçu girsin, əsk-hücumda və hücumda kömək etsin. Emin yoruldu deyə dəyişdik. Qol bu dəyişikliyə görə olmadı. Qol mərkəzdən vuruldu.

- Artıq ikinci ildir, millini çalışdırırsınız və hələ də doğma azarkeşlər qarşısında qələbə qazanmamısınız. Milli nə vaxt qalib gələcək?

- 25 oyun keçirmişik. Serbiya, Portuqaliya, İrlandiyaya qarşı oynamışıq və hamısını uduzmuşuq. Bizdən çox güclü komandalara qarşı oynamışıq. Hamısında sona qədər vuruşmuş, əlimizdən gələnin maksimumunu etmişik. İndi qol vurmağa, nəticə qazanmağa başlamalıyıq. İlk iki oyunda çoxlu imkanlarımız oldu. Bunlardan daha yaxşı istifadə etməliyik.

- Uğursuzluğun səbəbkarı sizsiniz yoxsa, futbolçular?

- Hamımız yaxşı analiz etməliyik ki, nə baş verdiyini bilək. Rəqibin güclü olduğunu bilirdik. İlk 20 dəqiqədə yaxşı çıxış etmədik. Bundan sonra heç də pis oynamadıq. İlk hissənin sonlarında qol da vura bilərdik, imkanlarımız oldu. Fasilədən sonra rəqib ustalığını göstərdi. Oyunboyu mübarizə apardıq. Bundan daha artığını edə bilərik. Hamınız qələbə gözləyirsiniz. Mən də istəyirəm. Amma bu, heç də asan deyil. Günahkar axtarmaq düzgün deyil. Mən də istəyərdim deyim "onun günahıdır, bunun günahıdır". İnkişaf üçün nüanslara baxmalıyıq. Dünən 100-cü məşqimizi keçirdik. Dörd məşqə bir oyun oynayırıq. Futbolçular ən yaxşı fiziki formada deyillər. Öncə oyunçuları tanımalısan. Düşünürəm ki, bir qrup yaratmışıq. Azarkeş həmişə uduzanda problem axtarır, tapır. Amma ekspert kimi baxsaq, fərqli fikirlər ola bilər.

- Mahir Emrelinin 3 oyunda performansını ortaya qoya bilməməsi komandanın zəif çıxışı ilə əlaqədardır?

- Klubunda fiziki problemləri var idi. Bura gələndə də 100 faiz hazır deyildi. İkinci yarıda meydana buraxdıq. Qol keyfiyyətlərindən yararlanmaq istəyirdik. Alınmadı. Amma bütün ürəyini meydanda qoydu.

- Komanda qol da vura bilmir. Çox arqument gətirirsiniz. Bəlkə, sizin yeriniz bura deyil? Ola bilər ki, Azərbaycan millisinə futbol oynamağı öyrədə bilmirsiniz?

- Xeyr. Bu, tam mənim komandamdır. İlk 20 dəqiqə yox, qalan hissəni qorxa-qorxa oynamadıq. İki oyuna 30 zərbə vurduq. Böyük rəqəmlərdir. Rəqəmlər isə bizi aldada bilməz. Bu faktdır.

- Qətərlə oyundan sonra hamı ilə sağollaşmışdınız. Sonradan nəyə ümid etdiniz ki, davam etmək qərarı verdiniz?

- Bunu başqalarından soruşmalısınız.

- Özünüz qalmağı qəbul etməyə də bilərdiniz...

- Onlardan soruşun. Qərar verdik ki, davam etməliyik. Komandada nəsə dəyişilib. 2003-cü il təvəllüdlü uşaq əsas heyətdə oynayır. 5-6 oyunçu da olsa, oynadaram. Burada xüsusi sevdiyim oyunçu yoxdur.

- Komanda 10 gün ərzində 4-cü oyuna çıxacaq. Fiziki, psixoloji durumu düzəltmək mümkün olacaq?

- Sabah necə bərpa olunacaqlarına baxacağıq. Maksim ardıcıl ikinci oyunda əvəz olunmasını istədi. Mövsümün sonudur, yorğunluqlar ola bilər. Təəssüf ki, Qismət Alıyev bizimlə olmayacaq. İstirahət fikirlərini başa düşürəm, amma qələbə üçün çalışmalıyıq. Belarusla oyunda məğlubiyyət seriyasını qırdıq, qalib gələ də bilərdik. Mən çox əsəbiyəm. Uduzmaqdan zəhləm gedir. Bütün futbolçular məyusdurlar. Çünki maksimumlarını verdilər. Beynəlxalq səviyyə ilə Azərbaycan çempionatı eyni deyil.

- Bir neçə gün əvvəl qrup liderliyi və 2-cilik barədə danışırdıq. Bundan sonra D Liqasındakı perspektivlər barədə düşünməli olmayacağıq?

- 3 oyun keçirmişik, qarşıda 3 matçımız var. Onları düşünürük. Heç kim deməmişdi ki, 1-ci yer uğrunda vuruşacağıq. Belarusla oyunumuz var. Qalib gəlməyə çalışacağıq. Qazaxıstanı da Bakıda məğlub etməyə çalışacağıq. 2-ci yer uğrunda mübarizəmiz davam edir.

AzVision.az