Braziliyada ər-arvad silahlı qulduru döydü

   Braziliyada ər-arvad silahlı qulduru döydü
  06 İyul 2022    Oxunub:1056
Braziliyada ər-arvad silahlı quldurla döyüşüb.
Bu barədə “Daily Mail” yazıb. Cinayətkarın silahı saxta olsa da, bu, onu cəzadan xilas edə bilməyib. Hadisə San-Paulu ştatında baş verib. Bir kişi və bir qadın səki ilə gedərkən motosikletli yad şəxs onlara yaxınlaşıb. O, cütlüklə nəsə danışıb, sonra pencəyinin cibindən tapança çıxarıb.

Silahı görən kişi quldurun üstünə qaçaraq silahı tutmağa çalışıb. Bu zaman qadın tanımadığı şəxsi yerə yıxmağa çalışaraq yoldaşına kömək edib. Oğru belə müqavimət gözləməyib və qollarını uzadaraq döyülməni dayandırmağa çalışıb.

Polis onun yanına gələnə qədər cütlük kişini saxlayıb. Sonradan məlum olub ki, quldurun istifadə etdiyi motosiklet qonşu ştatda oğurlanıb. Hazırda şübhəli şəxs həbs edilib və xəstəxanadan buraxıldıqdan sonra həbsxanaya köçürüləcək.

AzVision.az


Teqlər: Braziliya  



Xəbər lenti