Niderlandda fermerlər mitinqə tankla çıxıblar – FOTOLAR+VİDEO
06 İyul 2022
Oxunub:1230
Niderland hökuməti “Azot tullantılarının azaldılması” haqqında yeni qanun layihəsi hazırlayıb. Qanun qəbul edilərsə, ölkədəki heyvandarlıq təsərrüfatlarının azı 1/3-i bağlanmalıdır. Ciddi şəkildə buna qarşı çıxan fermerlər bir neçə gündür ki, görünməmiş miqyasda aksiyalar təşkil edirlər.
Onlar yollar bağlayır, traktorları inzibati binaların yaxınlığına toplayır, küçələrə peyin boşaldırlar. Bəzi şəhərlərdə televiziya və radio stansiyaları mühasirəyə alınıb. Aeroportlara giriş-çıxışın bloklandığı yerlər də var. Bu gün isə hətta etirazlar aksiyalarında tank müşahidə olunub.
İnsanlar ciddi şəkildə narahatdırlar ki, Avropanın ekogündəmi və avrobürokratlar onları müflis edəcəklər. Buna görə də israrlı davranır, polisə müqavimət göstərirlər. Amma hökumət qanun layihəsini geri çəkmək niyyətini hələ ki bürizə verməyib.
Tariyel Həsənov
AzVision.az
Vaxtında, Aydın, Lazımlı!
