Paşinyan Ermənistan-Türkiyə sərhədi ilə bağlı tapşırıq verdi

   Paşinyan Ermənistan-Türkiyə sərhədi ilə bağlı tapşırıq verdi
  07 İyul 2022    Oxunub:1368
Ermənistanın baş naziri Nikol Paşinyan müvafiq dövlət qurumlarına üçüncü ölkə vətəndaşları üçün sərhədlərin açılmasına dair Türkiyə ilə işə başlamağı tapşırıb. AzVision.az xəbər verir ki, bu barədə yerli media məlumat yayıb.
Türkiyə və Ermənistan razılığa gəldi - Quru sərhədlər açılır
Qeyd edilir ki, Nazirlər Kabinetinin iclasında çıxış edən baş nazir deyib ki, danışıqlarda Ankara ilə İrəvanı təmsil edən Ruben Rubinyan və Serdar Kılıç artıq üçüncü ölkə vətəndaşları üçün quru sərhədlərinin açılması, eləcə də hava yüklərinin daşınması ilə bağlı razılaşma əldə ediblər.

- Razılaşma razılaşmadır... Lakin bizim aidiyyəti qurumlarımızın bu prosesi koordinasiya etməsi çox vacibdir. Bu vacibdir ki, biz onları yerinə yetirə bilək, - Paşinyan deyib.

Xatırladaq ki, bir müddət öncə Ermənistanın xüsusi nümayəndəsi, vitse-spiker Ruben Rubinyan İctimai Televiziyanın efirində Türkiyə ilə əldə olunan razılaşmaların yayın sonuna qədər həyata keçirilməsinin məntiqli göründüyünü demişdi.

Tural Tağıyev
AzVision.az



Teqlər:   Ermənistan   Türkiyə   Sərhəd  



Xəbər lenti