Ərdoğanla Zelenski taxıl dəhlizinin açılmasını müzakirə edib

   Ərdoğanla Zelenski taxıl dəhlizinin açılmasını müzakirə edib
  11 İyul 2022    Oxunub:1187
Türkiyə və Ukrayna prezidentləri Rəcəb Tayyib Ərdoğan ilə Volodimir Zelenski arasında telefon danışığı olub. Danışıq zamanı Ukrayna-Rusiya müharibəsi və Qara dənizdə taxıl ixracı üçün təhlükəsiz dəhlizlərin yaradılması ilə bağlı məsələlər müzakirə olunub.
Sülhün bərpa olunmasını arzuladığını vurğulayan Türkiyə Prezidenti Rəcəb Tayyib Ərdoğan Ukraynanın taxıl məhsullarının dünya bazarına çıxarılması üçün BMT tərəfindən hazırlanan planla bağlı işlərin davam etdirildiyini bildirib.

Prezident Rəcəb Tayyib Ərdoğan Ukrayna ilə Rusiya arasında yaşanan gərginliyin diplomatiya yolu ilə həll ediləcəyini, Türkiyənin bu istiqamətdə vasitəçilik və digər dəstəkləri göstərməyə hazır olduğunu dilə gətirib. Türkiyə Prezidenti, həmçinin Volodimir Zelenskiyə Qurban bayramı münasibətilə paylaşdığı videomesajda türk dilində söylədiyi təbrik üçün xüsusi təşəkkür edib.

AzVision.az



Teqlər: Türkiyə   Ukrayna  



Xəbər lenti