- Türk xalqlarının yaşadığı coğrafiya geniş olsa, aradakı sərhədlər bizi bir-birimizdən ayırsa da, Türk dünyasının hər yerinə səpələnmiş türklər qəlbən bir-birinə yaxın, bir-birinə bağlıdırlar. Ümid edirik ki, bu təşkilatın varlığı türk millətini bir-birinə daha yaxınlaşdıracaq, aradakı məsafələri qısaldacaq. Dünya xalqları türk birliyinin gücünü, türkün nəyə qadir olduğunu Azərbaycanımızın qədim torpağı olan Qarabağ erməni işğalından azad olunarkən bir daha görmüş oldu. Həm Azərbaycan, həm Anadolu, ümumən Türk dünyasının qanayan yarası olan Qarabağımız çox şükür ki, azadlığına qovuşdu.
Biz, Avropada yaşayan türklər də Türk dünyasının bir parçası olaraq hər zaman məzlum, terrora məruz qalan günahsız insanların yanında olmuşuq. Bu vəsilə ilə Qarabağda şəhid düşən qardaşlarımızı rəhmətlə anır, qazilərimizə firavan ömür diləyirik.
Biz Türk Ağsaqqallar Birliyinin bundan sonra da daha gözəl işlər görəcəyinə inanır və başda söylədiyim kimi təşkilatın türk dünyasının birliyinin möhkəmlənməsi və mədəni irsinin bərabər qorunmasında böyük rol oynayacağına əminik.
Yaratdığınız Türk Ağsaqqallar Birliyinin başda Azərbaycan türkü olmaqla Türk dünyasına xidmət yolunda əmin addımlarla irəliləyəcəyinə inanır, sizlərə bu şərəfli yolda “Yolunuz açıq olsun!-deyirik!, - Gedik qeyd edib.
Tural Tağıyev
AzVision.az
"Qarabağda türk dünyasının gücünü bir daha gördülər" - Murad Gedik
13 İyul 2022
Oxunub:1322
Türk Ağsaqqallar Birliyinin yaradılmasını böyük sevinclə qarşıladım. İnanıram ki, bu təşkilat Türk dünyasına yeni nəfəs və həyəcan qatacaq. Bunu AzVision.az -a açıqlamasında Niderland Türk Federasiyasının rəhbəri Murat Gedik Türk Ağsaqqalları Birliyi yaranması ilə bağlı fikirlərini şərh edərkən deyib.
Vaxtında, Aydın, Lazımlı!
