Ermənilər Əkrəm Əylisliyə kitab yazdı

Ermənilər Əkrəm Əylisliyə kitab yazdı
  06 Aprel 2013    Oxunub:1266
Kitabda Əkrəm Əylislinin “Daş yuxular” romanının çapından sonra yaşanan hadisələrin icmalı əks etdirilib.
AzVision.az-ın erməni mətbuatına istinadən verdiyi xəbərə görə, iqtisad elmləri doktoru, bir çox elmi məqalələrin müəllifi Sarkis Levonoviç Kantarcyan “Antitolerant Azərbaycan və ya bir hiddətin xronikası” (“Антитолерантный Азербайджан, или Хроника одной истерии”) adlı kitabı işıq üzü görüb. Müəllif kitabda Əkrəm Əylislinin “Daş yuxular” romanının çapından sonra yaşanan hadisələrin icmalını əks etdirib.

Kitabın yaranması ideyası “Drujba narodov” jurnalında Ə.Əylislinin romanını oxuyandan dərhal sonra yaranıb. Kitabda böyük rezonans doğuran romanın ictimaiyyətin müzakirəsinə verildiyi zaman kəsiyində (29 yanvar-6 mart, 2013-cü il) yalnız ermənilərin deyil, azərbaycanlıların da fikrinin əks olunduğu müxtəlif qəzet, sayt, bloqlarda yayınlanan 54 yazı oxuculara təqdim olunub.

Kitabda, həmçinin, amerikan, alman və türk mətbuatında bu mövzuda yayınlanan bütün yazılar öz əksini tapıb. Yazıçı hələ kitabını bitmiş saymır. Çünki onun fikrincə, Əkrəm Əylisli ətrafında yaranan qalmaqal və xaos davam edir.

AzVision.az


Teqlər:  





Xəbər lenti