Anasını xilas edən 10 yaşlı qəhrəman - VİDEO

Anasını xilas edən 10 yaşlı qəhrəman - VİDEO
  29 Avqust 2022    Oxunub:1285
ABŞ-da maraqlı hadisə baş verib. AzVision.az xəbər verir ki, Oklahomadan olan 10 yaşlı Gevin Kini adlı oğlan anasını hovuzda boğulmaqdan xilas edib.
Gevin anasının evlərinin həyətində yerləşən hovuzda üzərkən qıcolma keçirdikdən sonra boğulduğunu görüb. Dərhal suya atılan uşaq peşəkar xilasedicilərə xas şəkildə özündən bir neçə dəfə ağır olan qadını sudan çıxararaq xilas edib. Bu təsirli anlar təhlükəsizlik kamerasına da düşüb.
Onlara kömək etməyə çalışan uşağın babası da özünü hadisə yerinə çatdırıb.

Gevinin Anası Lori Kini deyib ki, oğlu hovuzdan yenicə çıxıbmış. Elə həmin vaxt o, qıcolma keçirib.
Qeyd edək ki, Lori epilepsiya xəstəliyindın əziyyət çəkir və qıcolmaya meyillidir.
Kinqston Polis İdarəsi Gevinin cəsarətinə görə uşağa mükafat təqdim edib.
- O, şübhəsiz ki, mənim qəhrəmanımdır. Mən həqiqətən də onun mənim qoruyucu mələyim olduğunu hiss edirəm,- ana yerli mediaya açıqlamasında deyib.




Şəms Şahinli
AzVision.az



Teqlər: ABŞ   Ana   Xilas  





Xəbər lenti


Azvision.az ©2014 | Bütün hüquqları qorunur