30 demokrat Baydeni Putinlə danışıqlar aparmağa çağırdı

30 demokrat Baydeni Putinlə danışıqlar aparmağa çağırdı
  25 Oktyabr 2022    Oxunub:973
ABŞ Demokratlar Partiyasının sol qanadından olan 30 nəfərlik konqresmenlər qrupu prezident Co Baydeni Ukraynadakı müharibə ilə bağlı strategiyasını kökündən dəyişməyə çağırıb.
Onlar Baydenə birbaşa Rusiya rəhbəri ilə danışıqlar aparmağa çağırış ediblər.

AzVision.az bu barədə "The Washington Post"a istinadən xəbər verir. Qəzetin yazdığına görə, bazar ertəsi bir qrup konqresmen tərəfindən Ağ Evə göndərilən məktub Baydenə bu mövzuda təzyiq göstərə bilər.

Demokratlar xüsusilə ABŞ-ın minlərlə insanın ölümünə və 13 milyon insanın didərgin düşməsinə səbəb olan uzun sürən müharibəyə son qoymaq üçün Rusiya ilə müntəzəm dialoq aparmamasından narahatdırlar.

Liberal demokratlar müharibənin fəlakətli təsirlərinin getdikcə daha çox Ukraynadan kənarda, o cümlədən ABŞ-da ərzaq və qaz qiymətlərinin artması, buğda, gübrə və yanacağın qiymətlərindəki sıçrayışlar şəklində hiss olunduğunu qeyd edirlər. Onlar Moskvadan gələn nüvə zərbəsi təhlükəsini də toxunublar.

Tural Tağıyev
AzVision.az



Teqlər: ABŞ   Konqresmen   Rusiya   Ukrayna  





Xəbər lenti