![](https://azvision.az/photos/2022/11/kipr-telim-6-10014634260.jpg)
Kipr Milli Qvardiya Baş Qərargahının (GEEF) açıqlamasına görə, tədbirin ssenarisinə müxtəlif növ "fərdi və qrup atəş təlimləri" və "döyüş meydanında İlk yardımın göstərilməsi üzrə şəxsi heyət təlimləri" daxil edilib.
![](https://azvision.az/photos/2022/11/kipr-telim-4-6676422836.jpg)
Təbii ki, rəsmi bəyanatın gerçəkliklə heç bir əlaqəsi yoxdur və bu uyğunsuzluq mətbuat relizinə əlavə edilmiş fotolarda da görünür.
İsrail istehsalı “IWI Tavor TAR-21” hücum tüfəngi Ermənistan silahlı qüvvələrinin arsenalında yoxdur. Buna görə də onunla "taktiki atəş hazırlığının" aparılması tamamilə boş və mənasız bir şoudur.
![](https://azvision.az/photos/2022/11/kipr-telim-1-1669105708.jpg)
Silahın çapı 5.56×45 mm NATO (!) sisteminə aid, form-faktoru isə fərqli – “bullpup”dır. Yəni hücum tüfənginin atəş zamanı daraq dəyişmə prinsipi də başqadır və qundaq qisminə yaxın ərazidə gerçəkləşdirilir.
![](https://azvision.az/photos/2022/11/kipr-telim-3-5007317127.jpg)
Standart form-faktorlu "Kalaşnikov" modelləri ilə silahlanan Ermənistan Ordusunun şəxsi heyəti üçün “TAR-21” ilə taktiki məşğələlər keçmək balığa velosiped sürməyi öyrənmək kimi bir şeydir...
![](https://azvision.az/photos/2022/11/kipr-telim-5-8345528545.jpg)
Güman etmək olar ki, düşmən ölkənin xüsusi təyinatlıları Kiprdə növbəti təxribat-diversiya hazırlığı kursu keçib. "Gümüş nizə" pafosu və qısamüddətli tədbir dezinformasiyası isə gözdən pərdə asmaqdan başqa bir şey deyil.
Hans Kloss
AzVision.az üçün