Şuşanın tarixi haqda yeni kitab nəşr edilib

      Şuşanın    tarixi haqda yeni kitab nəşr edilib
  03 Dekabr 2022    Oxunub:1259
Azərbaycan Milli Kitabxanasında (AMK) "Şuşa İli"nə həsr olunan "Şuşa ABŞ və Böyük Britaniya mətbuatında: 1827-1915-ci illərə aid qəzet materialları əsasında" kitabı nəşr olunub.
AzVision.az xəbər verir ki, layihə rəhbəri və ön sözün müəllifi AMK-nın direktoru, professor Kərim Tahirov, tərcümə və şərhlərin müəllifləri tarixçi-alimlər Elnur Nəciyev və Ədibə İsmayılova, nəşrin redaktoru isə Günay Nəciyevadır.

Əsər Şuşa ilə bağlı 1827-1915-ci illərdə ABŞ və Böyük Britaniya mətbuatında dərc edilən materiallardan seçmələrdən, onların tərcümə və şərhindən ibarətdir. Əsərdə Şuşada keçirilən məhərrəmlik mərasimindən, 1905-1906-cı illərdə ermənilərin türk-müsəlman əhalisinə qarşı Şuşada törətdiyi soyqırımlardan, aclıq çəkən əhaliyə göndərilən humanitar yardımları əngəlləmək üçün onların törətdikləri vəhşiliklərdən, çar Rusiyasının Şuşada ruslaşdırma siyasəti və bu tədbiri pərdələmək üçün atdığı addımlardan və başqa maraqlı məlumatlardan bəhs olunur.

AzVision.az



Teqlər: Şuşa   Kitab  





Xəbər lenti