O qeyd edib ki, körpə paytaxt sakinlərindən birinin qapısına tanımadığı şəxs tərəfindən qoyulub və o uşağı sığınacağa gətirib: “Dünən gecə saatlarında vətəndaşlardan biri qapısına tanımadığı şəxs tərəfindən körpə uşaq qoyulduğunu bildirdi. Körpənin üzərində sənədləri,və ananın sənədi tapılıb. Hazırda körpənin hansı səbəbdən tərk edilməsi və anasının tapılması üçün araşdırma aparılır. Körpə müayinə olunaraq sığınacağımıza yerləşdirilib”.
Daxili İşlər Nazirliyinin mətbuat xidmətinin şöbə rəisi Elşad Hacıyev körpənin 3 aylıq olduğunu və faktla bağlı araşdırmalara başlanıldığını bildirib: “Polis əməkdaşları tərəfindən dünən gecə saatlarında Binəqədi rayonunda küçədən tapılan 3 aylıq körpə oğlan uşağı sığınacağa yerləşdirilib. Tədbirlərlə onun anasının şəxsiyyəti müəyyən edilib. Araşdırma aparılır”.
***
Dekabrın 19-da axşam saatlarında Binəqədi qəsəbəsinin Gülüstan küçəsində polis tərəfindən 3 aylıq oğlan uşağı tapılıb.
AzVision.az xəbər verir ki, körpə sığınacağa yerləşdirilib. Artıq körpənin anasının şəxsiyyəti müəyyən olunub. Faktla bağlı araşdırma aparılır.
AzVision.az
Küçədə 3 aylıq körpə tapılıb - YENİLƏNİB - FOTO
20 Dekabr 2022
Oxunub:1506
“Təmiz Dünya” Qadınlara Yardım İctimai Birliyinin rəhbəri Mehriban Zeynalova sosial şəbəkə hesabında küçəyə atılan 3 aylıq körpə ilə bağlı məlumat paylaşıb.
Teqlər:
Vaxtında, Aydın, Lazımlı!
