Qubadakı 5 saylı Yol İstismarı MMC-nin rəisi Gülağa Əliyev AZƏRTAC-ın bölgə müxbirinə bildirib ki, daha təhlükəli sayılan Quba–Xınalıq yoluna Azərbaycan Avtomobil Yolları Dövlət Agentliyinin yerli idarəsinin növbətçi briqadaları nəzarət edir. Səhər saatlarına olan məlumata görə yolun hərəkət hissəsinə 12-15 santimetr qar yağıb. Hazırda ağır texnika ilə təmin edilən növbətçi briqadalar yolun qardan təmizlənməsi üçün səfərbər edilib.
Yerli sakinlərin, eləcə də turistlərin Xınalıq kəndinə gediş-gəlişində məhdudiyyət yoxdur. Amma təcrübəsiz və əraziyə bələd olmayan, həmçinin avtonəqliyyat vasitəsi hava şəraitinə uyğun təchiz edilməyən sürücülərin qarlı havada Quba-Xınalıq yolundan istifadə etməsi tövsiyə olunmur.
Qubanın rayon mərkəzində 8, Qrız kəndində 18, Xaltanda 12 santimetr hündürlüyündə qar qeydə alınıb.
Bütün şimal bölgəsində qar yağmaqda davam edir.
AzVision.az
Quba-Xınalıq yolunda son vəziyyət
08 Yanvar 2023
Oxunub:759
Güclü qar yağması səbəbindən Quba rayonunun ucqar kəndlərinə gedən yollarda avtomobillərin hərəkəti çətinləşsə də, hazırda bütün istiqamətlərdə magistrallar açıqdır.
Teqlər:
Vaxtında, Aydın, Lazımlı!
-1747146010.jpg&h=120&w=187&zc=1&q=70')
