Qeyd olunur ki, ölkədə fəxri senator adı ləğv edilib.
Parlamentin yuxarı palatasının spikeri Maulen Aşimbayevin sözlərinə görə, 2022-ci il iyunun 5-də keçirilən referendumda əksəriyyət Nazarbayevə üstünlük verilməsinin əleyhinə səs verdikdən sonra reqlamentə hələ dekabr ayında düzəliş edilib.
Qeyd edək ki, Nazarbayevin 2019-cu ilin mayında aldığı fəxri senator statusu ona parlament iclaslarında iştirak etmək imkanı verib.
Bir gün əvvəl Qazaxıstan Konstitusiya Məhkəməsi Nazarbayevi xalqın lideri (elbası) elan edən “Qazaxıstan Respublikasının Birinci Prezidenti haqqında” qanunun etibarsız sayılması barədə qərar çıxarıb.
Müvafiq qanun hələ 2000-ci ildə qəbul edilib və bir neçə dəfə yekunlaşdırılıb.
Nazarbayev Qazaxıstana 30 ilə yaxın rəhbərlik edib, 2019-cu ilin martında bu vəzifəni tərk edib.
Şahanə Rəhimli
AzVision.az
Nazarbayev Qazaxıstanın fəxri senatoru titulunu itirib
12 Yanvar 2023
Oxunub:582
Qazaxıstanın birinci prezidenti Nursultan Nazarbayev ölkə sakinlərinin əksəriyyətinin siyasətçiyə üstünlük verilməsinin əleyhinə səs verdikdən sonra fəxri senator titulunu itirib.
Teqlər:
Vaxtında, Aydın, Lazımlı!
