Rusiya Dumasının spikeri Volidinin Milli Məclisin sədri Sahibə Qafarova ilə görüşdə Paşinyana və onun komandasına ölkələrini itirə biləcəkləri xəbərdarlığının çox düşündürücü olduğunu deyən Sahib Alıyev qeyd edib ki, Azərbaycan Prezidentinin də dəfələrlə vurğuladığı kimi bizim Ermənistana qarşı belə bir planımız yoxdur və olmayıb. Millət vəkili bildirib ki, İrəvan xanlığının torpaqlarında yeni hay diasporunun yaranmasına yol açan Türkmənçay anlaşmasının 195-ci ildönümündən cəmi 3 gün keçmiş Rusiya siyasi isteblişmentinin önəmli təmsilçilərindən birinin bu sözlərinin arxasında Ermənistana kimin forpostu olduğunu unutmamasının deyil, onu sülhə təşviq niyyəti durmasının bizim istəyimiz daha düzgün ifadə edərdi.
“Bəli, aydındır ki, cənab Volodinin adını çəkdiyi Avropa təsisatları, o sıradan da Ermənistana öz jandarmalarını göndərənlər heç də burada sülhün olmasında maraqlı deyillər. Amma sual olunur ki, bəs dələduz Ruben Vartanyanı təkrar Xankəndinə dartanlar necə, regionda qarşıdurmaların tez bir zamanda aradan qalxmasını istəyirlərmi? İstəyirlərsə, məhz həmən Vartanyanla, Harutyunyan Moskvaya çağrıldıqdan sonra separatçı rejimin yeni “vəzifə” dövriyyəsi oyununa başlaması, hərbi xuntanın digər təmsilçilərindən çox da fərqlənməyən Balasanyana qarşı cinayət işinin açılması nə ilə bağldır? Həmən Balasanyanın cinayətkarlığı indi üzə çıxdı, yoxsa bu onun Vartanyana Azərbaycanla ünsiyyət qurmaqdan başqa çıxış yollarının olmadığını deməsinə görədir?” , - Millət vəkili vurğulayıb.
Deputat Vartanyanı əsl detektiv filmlərindəki kimi gizlicə Moskvaya aparıb gətirənlərin Laçın yoluyla Xankəndinə indən sonra qanunsuz yük, mina, terrorçu və təxribatçılar daşınmasının qarşısını alacaqlarına böyük şübhə yarandığını da diqqətə çatdırmaqla yanaşı, belə oyunlara qurşananların öz məqsədlərinə çata bilməyəcəklərinə əmin olduğunu söyləyib.
- İnana bilərikmi ki, Laçın yolunda aksiya başladılanadək Ermənistandan Qarabağa mina, silah-sursatla birgə muzdluların, iranlı təlimatçıların, digər ünsürlərin gətirilməsindən Rusiyanın oradakı müvəqqəti hərbi kontingenti xəbərsiz olub? Belə görünür ki, yox! Bununla yanaşı əminəm ki, Moskvada regionda mövqelərini qoruyub saxlamağın ən effektli yolunun Qarabağda hərbi mövcudluqlarından deyil, Qərbi Azərbaycanlıların öz yurd yerlərinə dönməsinə yardımdan keçdiyini gec-tez anlayacaqlar. Onu da anlayacaqlar ki, Vartanyandan Dartanyan düzəltməyə çalışmaqla nə düzəldənlər, nə də düzəldilən məqsədinə çatasıdır” ,- Sahib Alıyev bildirib.
AzVision.az
Deputat: Vartanyandan Dartanyan düzəltməyə çalışanlar məqsədlərinə çatmayacaqlar
17 Fevral 2023
Oxunub:1147
Milli Məclisin plenar iclasında deputatlar parlamentin rəhbərliyi ilə üzvlərinin Misir, Cənubi Afrika və Rusiyaya səfərlərinin uğurlu keçdiyini vurğulayıblar. Deputat Sahib Alıyev öz çıxışında Prezident İlham Əliyevin VI çağırış Milli Məclisin ilk iclasınadakı tövsiyyəsindən sonra Azərbaycanın xarici siyasətinin reallaşmasına töhfə vermək baxımından parlamentin bir sıra platformalarda yalnız tamamlayıcı, əvəzedici yox, həm də əvəzolunmaz rol oynadığını bildirib.
Vaxtında, Aydın, Lazımlı!
