Bu fikirlər Almaniyanın rnd.de saytında dərc olunan təhlildəndir.

Məqalə müəllifi planlaşdırılan hərbi qiyamın reallaşmadığını xatırladıb. O, Rusiya prezidenti Vladimir Putinin muzdlulara rəhbərlik edən Yevgeni Priqojini vətən xaini adlandırmasını da vurğulayıb.

Yazıda ən çox diqqət çəkən məqam isə hazırda Rusiyada "qəhrəman"dan xəyanətkara çevrilmiş Priqojinin muzdlularının 2020-ci ildəki 44 günlük müahirəbədə Azərbaycan ordusuna qarşı da döyüşməsidir.

“Qara su”da boğulanlar: Özəl hərbi şirkətlər dünyada nələr edir – ARAŞDIRMA

"Sayı minlərlə ölçülən “Vaqner” döyüşçüləri indiyədək Ukraynaya qarşı aparılan işğalçı müharibədə mühüm gücdən biri olub. Bu silahlı qruplar başqa harada döyüşüb? Vaqnerçilər 2015-ci ildən Suriya müharibəsində iştirak edirdi. Burada onlar aktiv döyüş əməliyyatları reallaşdırıblar və prezident Bəşər Əsədin ixtiyarında olan qoşunlara təlimlər keçiblər. Hətta vaqnerçilərin Palmira şəhərinin İŞİD-dən geri alınmasında mühüm rol oynadığı bildirilir", - nəşr yazıb.

Müəllif təhlükəli muzdluların illər öncə Ermənistan ordusuna da ayaq açmasını gizlətməyib: "Vaqner"in 500-ə yaxın üzvünün Qarabağ münaqişəsi zamanı, 2020-ci ilin noyabr ayının əvvəlində Ermənistan tərəfində Azərbaycana qarşı döyüşdüyü bildirilir. Şirkət isə bunu təkzib edib. Bundan başqa, onlar Belarusa da ayaq açıblar. Bu ölkədə prezident seçkiləri ərəfəsində “Vaqner” qrupunun 32 üzvü həbs edilmişdi. Onlar sonradan Rusiyaya aparıldılar. Qrupun seçkilərdə sabitliyi pozmağa çalışdığı bildirilirdi".

Tural Tağıyev
AzVision.az