Bu yarışın müşayiət etdiyi tədbir Azərbaycan xalqının ümummilli lideri Heydər Əliyevin 100-cü ildönümünə həsr olunduğundan, xüsusi əhəmiyyət daşıyır.

Tədbir həm də xaricdə yaşayan azərbaycanlıların Heydər Əliyevin xatirəsinə ehtiramla yanaşı, irsimizə sədaqətini də tərənnüm etdirir. Üçqat dünya çempionu Hafiz Baxşəliyevin rəhbərlik etdiyi Immortal Champions, idman və milli birlik ruhunu birləşdirən unudulmaz bir təcrübə yaradır.

Hafiz Baxşəliyevin döyüş idman növlərinin təbliğinə, eləcə də xaricdə yaşayan soydaşlarımız arasında birlik və yoldaşlıq münasibətlərinin aşılanmasına olan sadiqliyi, Heydər Əliyevin daim vurğuladığı dəyərlərlə tam uyğun gəlir.

Tədbir Azərbaycan Diasporuna Dəstək Fondunun dəstəyini qazanaraq, idman, mədəniyyət və irs arasındakı bağı daha da möhkəmləndirir.

Bu əməkdaşlıq idman etikası vasitəsilə, xalqlar və mədəniyyətlər arasında əlaqələri, birliyi və qarşılıqlı münasibətləri gücləndirilir.

Gecənin əsas yarışlarında Kikboksinq, MMA və Muay Tay üzrə maraqlı qarşılaşmalar həyəcan verici bir atmosfer yaradacaq. Tədbir, Heydər Əliyevin həyatın hər bir sahəsinə nüfuz edən maraqlarını da əks etdirir. Əlbəttə biz də Heydər Əliyevi idmana olan həvəsi ilə yad etməkdən qürur duyurq.

Tədbirin əsas döyüşlərində Yusuf Ali Talev və Co Bello arasında MMA Britaniya çempionu titulu, Kennet Alarkon (İspaniya) və Körtis Allen (İngiltərə) isə Muay Tay Avropa çempionluğu titulları uğrunda mübarizə aparacaqlar. İzləyicilərin unudulmaz bir gün keçirməkdən zövq alacaqlarına əminik.

Immortal Champions, Londonda bir-birindən gözəl yarışlar təqdim edən tanınmış bir təşkilatdır, və ciddi şəkildə tərtib edilmiş tədbirlər vasitəsilə peşəkar idmançıları və həvəskarları, təşkil etdiyi yarışlardan həzz almaq üçün bir araya gətirir.

Immortal Champions bu möhtəşəm yarışları Azərbaycanda da təşkil edib, öz idman brendimizi dünya miqyasında tanıtmaq niyyətindədir. Belə tədbirlər ölkəmizə daha çox turistlər cəlb edərək, onlara Azərbaycanın gözəlliyi ilə xalqımızın qonaqpərvərliyini nümayiş etdirəcək.
AzVision.az