Immortal Champions adlı yarış kikboksinq üzrə üçqat dünya çempionu Hafiz Baxşəliyev tərəfindən təşkil edilib. Yarışda Muay Tay, Kikboksing və MMA döyüşlərinin yer aldığı 11 qarşılaşmada Böyük Britaniya və dünyanın bir çox ölkələrindən iştirakçılar mübarizə aparıb.

Əsas döyüşlərin birində Yusuf Ali Taleb Co Bellonu ikinci raundda nokaut edərək Immortal Champions - MMA Britaniya titulunu qazanıb.

Yarışın əsas döyüşü isə Britanyalı Körtis Allen və İspaniyalı Kennet Alarkon arasında baş tutub. Körtis Allen dördüncü raundda rəqibini nokaut edərək, Immortal Champions - Muay Tay Avropa çempionu oldu.

Immortal Champions bu yarışı idman və fərqli mədəniyyətlərin bir araya gəldiyi bir platforma vasitəsilə Azərbaycanın ümummilli lideri Heydər Əliyevin xatirəsinə hörmət məqsədilə təşkil etmişdir.

Hafiz Baxşəliyevin döyüş idman növlərinin təbliğinə, eləcə də xaricdə yaşayan soydaşlarımız arasında birlik və bərabərlik münasibətlərinin aşılanmasına olan sadiqliyi, Heydər Əliyevin daim vurğuladığı dəyərlərlin bariz təzahürüdür.

Immortal Champions təşkilatı, idmanın beynəlxalq bir dil olduğunu, mədəniyyətlər arasında köprülər qurmanın və insanları bir araya gətirmənin güclü bir vasitə olduğunu bir dəfə daha nümayiş etdirdi. Yarış zamanı iştirakçılar və izləyicilər arasında unudulmaz anlar yaşandı. Bununla fəxr edən Immortal Champions, idmanın və mədəniyyətlərin birləşməsi vasitəsilə Azərbaycanın tarixi və mədəniyyətini dünyada tanıtmağa davam edir.
AzVision.az

Qalereya