“Abzas Media"nın direktoru və baş redaktoru həbs edildi

“Abzas Media"nın direktoru və baş redaktoru həbs edildi
  21 Noyabr 2023    Oxunub:1614
Noyabrın 20-də saxlanılan "Abzas Media" saytının direktoru Ülvi Həsənli barəsində həbs qətimkan tədbirinin seçilməsi ilə bağlı istintaq orqanının təqdimatına baxılıb.
AzVision.az xəbər verir ki, Xətai rayon məhkəməsində hakim Sülhanə Hacıyevanın sədrliyi ilə keçirilən prosesdə müstəntiqin verdiyi vəsatət təmin edilib.

Ülvi Həsənli barəsində 4 ay müddətinə həbs qətimkan tədbiri seçilib.

Sevinc Vaqifqızı saxlanıldı
Bu gün həmçinin "Abzas Media" saytının baş redaktoru Sevinc Abbasova (Vaqifqızı) barəsində də həbs qətimkan tədbirinin seçilməsi ilə bağlı istintaq orqanının təqdimatına baxılıb.

Xətai rayon məhkəməsində keçirilən prosesdə istintaq orqanının təqdimatı ilə bağlı qərar qərar qəbul olunub.

Qərara əsasən, Sevinc Abbasova barəsində 3 ay 29 gün müddətinə həbs qətimkan tədbiri seçilib.

Qeyd edək ki, "Abzas Media" saytının direktoru Ülvi Həsənli və baş redaktoru Sevinc Abbasova barəsində Cinayət Məcəlləsinin 206.3.2-ci (qaçaqmalçılıq) maddəsi ilə cinayət işi başlanıb.
AzVision.az



Teqlər:   Məhkəmə   Həbs  





Xəbər lenti


Azvision.az ©2014 | Bütün hüquqları qorunur