Səməd Vurğuna həsr olunmuş poeziya axşamı keçirilib

Səməd Vurğuna həsr olunmuş poeziya axşamı keçirilib
  15 Mart 2024    Oxunub:636
Bakıdakı Rus evinin Ədəbiyyat klubu Səməd Vurğunun ev-muzeyi ilə bilikdə görkəmli şairin yaradıcılığına həsr olunmuş musiqili-poeziya axşamı təşkil edib.
AzVision.az Rusiya İnformasiya-Mədəniyyət Mərkəzinin mətbuat xidmətinə istinadən xəbər verir ki, Rus evinin rəhbəri İrek Zinnurov və Səməd Vurğunun ev-muzeyinin direktoru, şairin nəticəsi, beynəlxalq musiqi müsabiqələrinin laureatı Vurğun Vəkilov tədbir iştirakçılarını salamlayıblar.

Layihə iştirakçıları Səməd Vurğunun şeirlərini rus və Azərbaycan dillərində təqdim ediblər.

Şeirlərin qiraəti Bakı Dövlət Universitetinin tələbəsi, pianoçu Murad Muradovun ifasında bəstəkarlar Tofiq Quliyev və Aleksandra Paxmutovanın əsərləri ilə müşayiət olunub. Sonra Üzeyir Hacıbəyli adına Bakı Musiqi Akademiyasının baş müəllimi, beynəlxalq mükafatlar laureatı Lalə Muxtarova İ.S.Baxın “Ariya”sını, pianoçu Ramil Davıdzadə isə Hans Zimerin məşhur “A way of life” əsərini ifa ediblər.

Tədbiri Ədəbiyyat klubunun sədri, Azərbaycan Yazıçılar Birliyinin üzvü, şairə, müəllim Lalə Həsənova aparıb.

Vurğun Vəkilov və Rusdilli Təhsil Müəssisələri Assosiasiyasının sədri Lyubov Yakunina layihənin işinə uğurlar arzulayıblar.

AzVision.az


Teqlər: şair   poeziya-axşamı   ədəbiyyat  





Xəbər lenti