O, bu fikri “Funke” nəşrinə müsahibəsində bildirib. Müller qeyd edib ki, Almaniya daha bir qışı qaz təchizatında fasiləsiz keçirib: “Qənaət nailiyyətləri diqqətəlayiqdir: ev təsərrüfatları və kiçik müəssisələr 2018-2021-ci illərlə müqayisədə 18,3% az qaz istifadə ediblər. Bir çox insanlar isitmə məsələsinə daha şüurlu yanaşırlar. Amma buna görə qaz böhranı hələ də keçməyib. Gələn qış isə qeyri-müəyyənlik olacaq”.

Agentlik rəhbərinin sözlərinə görə, Rusiyanın Avropaya qaz nəqlini dayandırması təhlükəsi hələ də var: “Onda Almaniya həmrəyliyi tələb olunacaq. İkincisi, çox soyuq qış qaz istehlakının əhəmiyyətli dərəcədə artmasına səbəb ola bilər. Odur ki, biz ayıq qalmalıyıq”.

Qeyd edək ki, bu qış Almaniyada qaz istehlakı əvvəlki ilə müqayisədə 4,2% artıb. Bu, ilk növbədə sənayenin 8,2% çox qaz istifadə etməsi ilə bağlıdır. Eyni zamanda, ev təsərrüfatları və kiçik müəssisələr 0,1% qənaət ediblər.


AzVision.az