Gəncədəki Musiqi Məktəbində tədris bərpa olunacaq

Gəncədəki Musiqi Məktəbində tədris bərpa olunacaq
  18 May 2024    Oxunub:857
Ötən gün məhkəmə qətnaməsinin icrası ilə bağlı həyata keçirilən tədbirlər
nəticəsində 150-dək şagirdin təhsil aldığı Gəncə şəhər Telman Hacıyev adına 2 nömrəli Uşaq Musiqi Məktəbində tədris prosesi pozulub və dərslər keçirilməyib.
Mədəniyyət Nazirliyindən AzVision.az -a verilən məlumata görə, Nazirlik tərəfindən Gəncə şəhər Telman Hacıyev adına 2 nömrəli Musiqi Məktəbində tədrisin qısa müddətdə bərpası ilə bağlı müvafiq işlər təmin ediləcək.

Onu da bildirək ki, sahibkarın israrlı tələbi ilə bu qərarın icrasına ən azı cari tədris ilinin sonunadək möhlət vaxtının verilməsi təhsil mühitinin pozulmaması baxımından daha ədalətli alternativ olardı.

Qeyd olunan məsələ ilə bağlı ictimaiyyətə əlavə məlumat veriləcək.

AzVision.az


Teqlər: Gəncə   musiqi-məktəbi  





Xəbər lenti