Minatəmizləmə işində BMT-nin Azərbaycana dəstəyi müzakirə edildi

Minatəmizləmə işində BMT-nin Azərbaycana dəstəyi müzakirə edildi
  30 May 2024    Oxunub:640
Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov BMT-nin baş katibinin köməkçisi, Birləşmiş Millətlər Təşkilatının İnkişaf Proqramının (UNDP) Avropa və Müstəqil Dövlətlər Birliyi üzrə Regional Bürosunun direktoru İvana Jivkoviç ilə görüşüb.
Bununla bağlı İ.Jivkoviç sosial şəbəkə hesabında məlumat verib. Görüşün əsas müzakirə mövzusu minatəmizləmə işində BMT-nin dəstəyi məsələsi olub.

Eyni zamanda Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəfləri Konfransının 29-cu sessiyası (COP29) ətrafında fikir mübadiləsi aparılıb.

Görüşün məhsuldar keçdiyini vurğulayan BMT rəsmisi UNDP-nin minatəmizləmə və yaşıl inkişafa dəstək verməyə sadiq olduğunu vurğulayıb və COP29 və ondan kənarda gələcək əməkdaşlığı səbirsizliklə gözlədiklərini qeyd edib.

AzVision.az


Teqlər:





Xəbər lenti


Azvision.az ©2014 | Bütün hüquqları qorunur