Orta Dəhliz bütövlükdə region üçün çox mühüm bir addımdır

 Orta Dəhliz bütövlükdə region üçün çox mühüm bir addımdır
  28 İyun 2024    Oxunub:1133
Biz inanırıq ki, Orta Dəhliz layihəsi bütövlükdə region üçün çox mühüm bir addımdır. İndiki vəziyyətdə Mərkəzi Asiya dövlətləri ixracı Rusiya və ya Çin vasitəsilə həyata kkeçirməli etməli olurlar, bir hissəsi də Xəzər dənizi vasitəsilə reallaşdırılır
AzVision.az xəbər verir ki, bu sözləri ABŞ Dövlət katibinin Avropa və Avrasiya məsələləri üzrə köməkçisi Ceyms O’Brayn iyunun 28-də jurnalistlərə açıqlamasında söyləyib.

O deyib: “Biz Azərbaycanın Xəzər dənizindən keçən mal və xidmətlərin Gürcüstan ərazisi vasitəsilə qlobal bazarlara çıxarılması üçün böyük imkanlar görürük. Amma biz həm də inanırıq ki, Ermənistandan keçərək Türkiyəyə, Qara dənizə, Atlantik okeanına, əsasən də Aralıq dənizinə çıxmaq üçün böyük imkanlar var. Bu fürsət daşıma xərclərini aşağı salmağa kömək edəcək. Bu, geosiyasi müdaxilədən azad olan təhlükəsiz alternativ yollar təqdim edəcək. Bütün bunlar Tacikistandan Türkiyəyə qədər 10 milyonlarla insanın dəhlizin açılmasından faydalanacağını düşünmək üçün böyük səbəbdir. Biz inanırıq ki, bu, bütün maraqlı tərəflərin razılığı ilə edilməlidir və bilirik ki, bu, Ermənistanla Azərbaycan arasında anlaşmadan başlayır”.

AzVision.az



Teqlər:





Xəbər lenti