Bu fikirlər Bloomberg-də dərc olunan məqalədəndir. Nəşr yeni dron əməkdaşlığı ilə bağlı proseslərdən xəbərdar olan və adları açıqlanmayan avropalı rəsmilərə istinad edib.

Ukrayna müharibəsi: Yardımlar gecikir, əhali azalır, texnologiya isə dəyişir

Mənbələr qeyd ediblər ki, Qərbdə əvvəllər də bununla bağlı xəbərdarlıqlar edilmişdi.

Adının açıqlanmasını istəməyən rəsmilərdən biri deyib ki, keçən il şirkətlər yeni "Şahed"lərin istehsalı üzrə əməkdaşlığı razılaşdırıblar. Bu il isə hərbi məhsulların Rusiyaya çatdırılması üçün hazırlıq və sınaq proseslərinə başlayıblar. Qeyd edilir ki, Çin pilotsuz təyyarələri Ukraynada hələ ki, istifadə edilməyib: "Bəzi ölkə rəhbərləri belə hesab edirlər ki, Rusiyaya hücum məqsədləri üçün yeni PUA-ların verilməsi yardım sərhədlərinin aşılması olacaq".

Məqalədə o da vurğulanıb ki, Rusiya kritik həddə olan vacib hərbi məhsulların detal və komponentlərinin tədarükündə Çinə arxalanır. Rəsmilər hazırda əsas narahatlıq doğuran məqamın Çinin "Şahed"ə bənzər pilotsuz təyyarələri İran və Rusiyadan da çox, daha sürətli istehsal edə bilməsi olduğunu vurğulayıblar.

Rəsmilər hələlik sınaq və hazırlıqlar mərhələsində olan pilotsuz aparatların təfərrüatlarını açıqlamasalar da, Çinin hərbi saytları və bir sıra media qurumları ölkənin "Sunflower 200" adlı kamikadze PUA-sı hazırladığını yazıblar.

Tural Tağıyev
AzVision.az