Məğlub ordunun təmsilçiləri tez-tez yerli medianın, ekspertlərin hədəfinə tuş gəlirlər. Hətta iş o yerə çatıb, ki, təlimlərdən yayılan fotolar bəzən xalq arasında gülüş hədəfinə çevrilir.

Məsələn, hərbi ekspert Karen Vrtanesyan "Mamul" nəşrinə açıqlamasında əsgərlərin sosial şəbəkələrin erməni seqmentində müzakirələrə çıxarılmış yeni fotosundan danışıb.

Paşinyan "qoruyucu mələy"ini itirib

O qeyd edib ki, hər kəsin məsxərəyə qoyaraq yaydığı fotoda sülhməramlı bölüyün hərbçiləri əks olunub: “Bu foto, təlimlə bağlı iki variant var. İki variantdan biri isə düzgün cavabdır. Sizcə, Ermənistan Silahlı Qüvvələrinin sülhməramlı briqadasının üzvləri məlum təlimlərdən sonra əllərində tutduqları dəyənək və plastik qalxanlardan kimə qarşı istifadə edəcəklər?

"A" variantı budur ki, hərbçilərimiz Azərbaycan ordusuna qarşı istifadə edəcək. Təbii ki, əgər onlar sərhəd kəndlərimizdə sakinləri hədələsələr dəyənək işə düşəcək. "B" variantı isə sərhəddəki erməni kəndlərinin sakinlərinə qarşı istifadədir. Xalq özü təxmin etməlidir ki, dəyənək kimə qarşı qalxacaq".

Tural Tağıyev
AzVision.az