AzVision.az xəbər verir ki, bu barədə Avropa Komissiyasının xarici işlər və təhlükəsizlik siyasəti üzrə sözçüsü Peter Stano İspaniyanın "Europa Press" agentliyinə açıqlamasında bildirib.

Onun sözlərinə görə, "İttifaq sözügedən qanunu Gürcüstanın Avropaya inteqrasiyası yolunda geri addım kimi dəyərləndirir".

Məlumdur ki, Avropa İttifaqı Tiflislə diplomatik əlaqələrini artıq kəsmək üzrədir. Yalnız məhz qanunla bağlı məsələ ətrafında danışıqlar aparılır. Avropa Sülh Fondunun bu ölkəyə 30 milyon avroluq hərbi yardımı dondurduğunu xatırladan Stano:

"Belə bir şəraitdə bu ölkəyə maliyyə yardımının dayandırılması da nəzərdən keçirilir", - söyləyib.

Xatırladaq ki, Gürcüstanda avqustun 1-dən etibarən xaricdən maliyyələşən qeyri-hökumət təşkilatlarının və KİV-lərin qeydiyyatı üçün "xarici agentlər haqqında" qanun zəminində reyestr başladılıb. Qanun müzakirəyə çıxarıldığı vaxtdan bəri Qərbin kəskin tənqidinə tuş gəlmiş, ölkə daxilində kütləvi etirazlar doğurmuşdu.

Firudin Həmidli
AzVision.az