Bakının müraciətinə BRİKS-in Kazan sammitində baxıla bilər
![Bakının müraciətinə BRİKS-in Kazan sammitində baxıla bilər Bakının müraciətinə BRİKS-in Kazan sammitində baxıla bilər](https://azvision.az/photos/2024/08/BRIKS-1724242134.jpg)
“Ola bilsin ki, BRİKS-in 2024-cü ilin oktyabrında Kazanda keçiriləcək sammitində Azərbaycanın müraciətinə baxılacaq və onun təşkilata daxil olması barədə qərar qəbul ediləcək”, - rusiyalı senator öz Telegram-kanalında yazıb.
O, hazırda, demək olar ki, bütün BRİKS üzvü olan ölkələrlə məhsuldar əməkdaşlıq quran Azıərbaycan, həm də müstəqil xarici siyasət nümayiş etdirdiyinə diqqət çəkib. Cabarov “gec-tez” digər MDB ölkələrinin də BRİKS-ə qoşulacağına ümid etdiyini vurğulayıb.
Qeyd edək ki, Rusiya Prezidenti Vladimir Putin Bakıya son dövlət səfəri zamanı Azərbaycan Prezidenti İlham Əliyevi BRİKS-in oktyabr ayında keçiriləcək sammitinə dəvət edib.
Bundan əvvəl, iyulun 11-də Sankt-Peterburqda keçirilən X BRİKS Parlament Forumunun plenar iclasında çıxış edən Milli Məclisin sədri Sahibə Qafarova Azərbaycanın təşkilatın tamhüquqlu üzvü olmaq istədiyini bildirmişdi. Avqustun 20-də isə Azərbaycan Xarici İşlər nazirliyinin mətbuat katibi Ayxan Hacızadə respublikanın BRİKS-ə qoşulmaq üçün rəsmi müraciət etdiyini açıqlayıb. Hazırda bu təşkilatın 10 üzvü var.
Sahil İsgəndərov
AzVision.az
Teqlər: Azərbaycan BRİKS Cabarov