“Politico” nəşrinin yazdığına görə, Rusiya qazından asılılığı azaltmaq üçün “hər cür səylərə” baxmayaraq, bu gün, hələ də ABŞ-dan maye qaz tədarükünü keçən Moskva Avropa İttifaqına ümumi qaz idxalının 15%-ni təmin edir.

“Sadə dillə desək, Avropa hazırda Rusiyadan aldığı enerjidaşıyıcılarına Ukraynaya verdiyi yardımdan iki dəfə çox pul xərcləyir. Bundan başqa, “Türk axını” Rusiya qazının bəzi Avropa ölkələrinə tədarük edilməsinə də imkan verir”, - nəşr vurğulayır.

Məqalədə Türkiyənin BOTAŞ dövlət neft-qaz şirkətinin Bolqarıstan vasitəsilə Mərkəzi Avropaya təxminən 7-8 milyard kubmetr təbii qaz ixrac edə biləcəyini deyən Türkiyənin energetika naziri Alparslan Bayraktarın bəyanatına da diqqət çəkilir.

“Politico” qeyd edir ki, Rusiyanın bu balansda payı 40% olacaq, lakin real məbləğ daha çox ola bilər, çünki “Qazprom” və “BOTAŞ” ötən ildən Türkiyədə Rusiya qaz habının yaradılmasının detalları üzərində işləyir.

Türkiyə Ukraynanı əvəz edə bilər

Qeyd edək ki, iki gen əvvəl Kremlin sözçüsü Dmitri Peskov Rusiya qazının tədarükü üçün alternativ marşrutlar, eləcə də Türkiyədə qovşaq yaratmaq planları barədə açıqlama vermişdi.

Sahil İsgəndərov
AzVision.az