Bunu baş prokuror Anna Vardapetyan hökumətin iclasında cinayətlərlə bağlı statistik məlumatları açıqlayarkən deyib.

Ermənistanda 44 günlük müharibədən qalan xeyli silah-sursat aşkarlanıb

Baş prokuror ilin birinci yarısında ümumilikdə 18 818 cinayətin qeydə alındığını söyləyib. 2023-cü ilin eyni dövründə isə 19 891 cinayət törədilib. Vardapetyanın sözlərinə görə, ağır cinayətlərin sayı nisbətən azalıb- 8.2 faiz.

“Lakin bizi başqa bir statistika narahat edir. Bu, xüsusilə ağır cinayətlərin sayı ilə bağlıdır. 17,2% artım olub”, - Vardapetyan bildirib. Xüsusilə, bu, odlu silahdan istifadə edilən cinayətlərə aiddir.

Xatırladaq ki, Ermənistanın baş naziri Nikol Paşinyan silah mövzusunda diqqət çəkən açıqlamalar vermişdi. O, deyib ki, 44 günlük müharibədən sonra xeyli sayda silah yoxa çıxıb. Bu məsələ Təhlükəsizlik Şurasının iclasında da müzakirə olunub. Daxili İşlər Nazirliyinə isə qanunsuz silahların axtarışı məsələlərinə yenidən baxılması tapşırılıb.
Tural Tağıyev
AzVision.az