AzVision.az xəbər verir ki, bu barədə məlumatı “Mehr” agentliyi yayıb.

Briqada generalı sərhədyanı əraziləri gəzərək quru qoşunları tərəfindən həyata keçirilən hasarlanma və digər təhlükəsizlik tədbirlərini müşahidə edib.

Heydərinin sözlərinə görə, ordunun quru qoşunları sərhəd layihəsini başa çatdırmaq üçün lazım olan bütün mühəndis resursları ilə təmin olunacaq. İranın şərq sərhədləri boyunca Rəzəvi Xorasan əyalətində 330 kilometrlik layihə dörd mühəndis qrupu tərəfindən həyata keçirilir. Layihə Əfqanıstanla 945 kilometrlik sərhəddə təhlükəsizliyin yaxşılaşdırılması məqsədi daşıyır.

Qeyd edək ki, bir müddət öncə İran Prezidentinin Əfqanıstan məsələləri üzrə xüsusi nümayəndəsi Həsən Kazemi Qumi rəsmi Tehranın Əfqanıstanla sərhəddə divar hörməyi başa çatdırmaqda qətiyyətli olduğunu bildirmişdi.

İran Pakistanla sərhədə də oxşar divar hörməyi planlaşdırır.

Həmidə İbrahimova
AzVision.az