Bu gün Gürcüstan paytaxtında – parlamentin köhnə binasının qarşısında prezident Mixail Saakaşvilinin tərəfdarlarının mitinqi olub. AzVision.az xəbər verir ki, Rustaveli prospektində keçirilən aksiyada çıxış edən Vahid Milli Hərəkat Partiyasının liderlərindən biri Georgi Vaşadze bu gündən ölkədə yeni milli hərəkatın başlandığını deyib. O qeyd edib ki, əsas məqsədləri insanların azad yaşamasına və sosial problemlərin həllinə nail olmaqdır:

“Gürcüstanda hər millətin nümayəndələrinin komfort şəraiti olmalıdır. Yeni milli hərəkat Gürcüstana yeni uğurlar gətirəcək. Gürcüstan Avropaya inteqrasiya yolundan əl çəkməməlidir”.

Saakaşvilinin “Facebook” sosial şəbəkəsində bugünki mitinqdən paylaşdığı fotolardan birindəki məqam isə diqqətli cəlb edib. Belə ki, mitinqdə gürcü bayraqları ilə yanaşı Azərbaycan bayrağı da dalğalanır. Mitinqə çıxan gənclərdən birinin əlində Azərbaycan bayrağı var və onlar Saakaşviliyə dəstək olduqlarını bildirirlər.

AzVision.az

Qalereya