AzVision.az xəbər verir ki, ABŞ-nin yeni seçilmiş prezidenti Donald Tramp Nyu-York məhkəməsinin çıxardığı hökmün növbəti “cadugər ovu” olduğunu deyib. O, keçmiş porno aktrisa Stormi Denielsə pul ödəyərkən “Trump Organisation” şirkətinin maliyyə sənədlərinin saxtalaşdırılması ilə bağlı məhkəmənin qeyd-şərtsiz azadlığa buraxılma hökmü çıxarması qərarını belə şərh edib.

“Altı illik vəsvəsələrindən, milyonlarla dollar xərcləndikdən və Bayden/Harris Ədliyyə Departamenti ilə koordinasiyadan sonra mən qeyd-şərtsiz azadlığa buraxıldım. Bu nəticə sübut edir ki, heç bir iş yoxdur və heç vaxt da olmayıb”, - ABŞ-nin gələcək prezidenti yazıb.

Bu hökmün “seçkilərə müdaxiləni” simvolizə etdiyini vurğulayan Tramp məhkəmə prosesini “utancverici yenidən qüvvəyə minmə” adlandırıb. O, “amerikalıların məhkəmə sisteminə inamını bərpa etmək üçün" sözügedən qərardan şikayət etməyi planlaşdırdığını söyləyib.

Yanvarın 20-də andiçmə mərasimi keçiriləcək Tramp məhkəmənin hökmünə görə ağır cinayətdə ittihamla vəzifəyə gələn ilk ABŞ prezidenti olacaq. İndiyədək heç bir prezident ağır cinayətdə mühakimə olunduqdan sonra vəzifə tutmayıb. ABŞ Konstitusiyası yalnız keçmişdə cinayəti olan şəxslərin prezidentliyə namizədliyini irəli sürməsini və ya vəzifə tutmasını qadağan etmir.

“Fox News” telekanalı xəbər verir ki, hökm Trampın ABŞ prezidenti kimi imkanlarına və məsuliyyətlərinə təsir etməyəcək. O, yenə də Baş Komandan ola biləcək.

“Qeyd-şərtsiz azadlıq məhkum edilmiş şəxsdən müəyyən tələblər müqabilində, məsələn, işə düzəlmə və ya zərərin ödənilməsi tələb olunan şərti azadlığa buraxılmadan fərqlənir. Trampın məsələsində belə öhdəliklər qoyulmayacaq ki, bu da hökmün unikallığını təsdiqləyir. Hakimin qərarı işin “bağlanmasını” təmin etmək istəyinə əsaslanıb”, -“The New York Times (NYT)” qəzeti vurğulayır.

Qeyd edək ki, Tramp ilkin olaraq 34 maliyyə saxtakarlığına görə sınaq müddəti və ya 4 ilə qədər həbs cəzası təhlükəsi ilə üzləşmişdi.

“NYT” nəşri 2014-cü ildən bəri Manhettendə oxşar işlərə görə məhkum olunanların təxminən üçdə birinin dəmir barmaqlıqlar arxasında bir ildən az müddətə azadlıqdan məhrum edildiyini, digərlərinin isə daha ağır cəzalar aldığını və ya şərti azadlığa çıxdıqlarını xatırladır. Bu mənada, Trampın qeyd-şərtsiz buraxılması və hansısa öhdəliklərin olmaması baxımından nuikallığı ilə fərqlənir. nadirliyi və sətirlərin olmaması ilə seçilir.

Lakin maliyyə saxtakarlığı ilə yanaşı, Donald Trampın digər hüquqi problemlərlə də üzləşməsi davam edir. Corciyada Trampın və onun komandasının bu ştatda 2020-ci il seçkilərinin nəticələrini şübhə altına almaq səyləri ilə bağlı araşdırma hələ də davam edir.
Rayon prokuroru bu işdə iştirakdan kənarlaşdırılsa da, Trampın Corciya şataındakı hərəkətləri ilə bağlı suallar qalmaqdadır. Hüquqi çətinliklərə baxmayaraq, Tramp bundan öz siyasi bazasının səfərbər olunması üçün istifadə edərək, siyasi motivli təqiblərin qurbanı olduğunu deyir.

Sahil İsgəndərov
AzVision.az