AzVision.az “Frans-Press Agentliyinə (AFP)” istinadən xəbər verir ki, bu addım Fransa Milli Antiterror Prokurorluğunun tələbi ilə atılıb. Prokurorlar Bəşər Əsədin artıq məhkəmə proseslərindən dövlət toxunulmazlığına malik olmadığını iddia edirlər.
“Sərəncamın verildiyi hadisə 59 yaşlı fransa-suriyalı Salah Əbu Nabunun Dəraa əyalətindəki evinin Suriya hərbi helikopterləri tərəfindən hücuma məruz qalması nəticəsində həlak olması ilə bağlıdır. Əvvəllər kimyəvi silahdan istifadə ilə bağlı iddialarla əlaqədar, Əsədin o zamankı toxunulmazlığına görə, Fransa prokurorluğunun etiraz etməyə çalışdığı həbs qərarı artıq verilmişdi”, - agentlik yazır.
Fransanın Kassasiya Məhkəməsi prokurorun əvvəlki qərardan verdiyi şikayətə martın 26-da baxmağı planlaşdırır. “AFP”-nin məlumatına görə, indiyədək Suriyanın yüksək vəzifəli məmurları, o cümlədən Bəşər Əsəd haqqında 14 həbs orderi verilib.
Sahil İsgəndərov
AzVision.az
Fransa Bəşər Əsədin həbsinə yeni order verib
22 Yanvar 2025
Oxunub:245
Fransanın istintaq hakimləri keçmiş Suriya prezidenti Bəşər Əsədin 2017-ci ildə fransa-suriyalının ölümünə səbəb olan mülki obyektlərin bombalanmasında iştirak etdiyinə görə yeni həbs qərarı çıxarıb.
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
